«TAS GROUP – алты құрлықта» жобасы жалғасуда. Жоба аясында компания қызметкерлері әлемнің әртүрлі құрлықтарында марафондарға қатысып, жаңа спорттық белестерді бағындыруда.

Бұл жолы TAS GROUP командасы АҚШ-тың Чикаго қаласына аттанды. Компания қызметкерлері Рауан Оқас, Дархан Қазыбаев және Шоқан Алхабаев Чикагода өткен Coffee Lovers Run жарысына қатысты.

Чикагодағы жарыс жоба қатысушылары үшін Солтүстік Америка құрлығындағы маңызды кезең болды. Бұған дейін TAS GROUP қызметкерлері Азия мен Еуропада өткен жүгіру жарыстарына қатысқан.

Жоба қызметкерлерге спортпен айналысып қана қоймай, әлемнің әртүрлі елдеріне барып, жаңа қалалар мен мәдениеттермен танысуға мүмкіндік береді. Әр марафон — жеке нәтиже ғана емес, ортақ мақсатқа жасалған кезекті қадам.

«TAS GROUP – алты құрлықта» жобасының мақсаты — қызметкерлердің алты құрлықта марафон жүгіріп өтуіне мүмкіндік беру. Ал Чикаго жарысы осы үлкен челлендждің Солтүстік Америкадағы кезеңіне айналды.

Жоба аясындағы спорттық сапарлар алдағы уақытта да жалғасады.